Крыніца публікацыі: Роднае слова. – 2021. – № 9. – С. 49.
Алег Антонавіч Лойка (1931–2008) – даследчык літаратуры, крытык, пісьменнік, педагог, член-карэспандэнт НАН Беларусі, прафесар, доктар філалагічных навук, працаваў у БДУ з 1956 г.: быў загадчыкам кафедры беларускай літаратуры (з 1985 г.), у 1990–1996 гг. – дэкан філалагічнага факультэта, выдаў кнігі па літаратуразнаўстве і крытыцы «Адам Міцкевіч і беларуская літаратура» (1959), «“Новая зямля” Якуба Коласа: вытокі, веліч, хараство» (1961), «Максім Багдановіч» (1966), «Сустрэчы з днём сённяшнім» (1968), «Паэзія і час» (1981) і інш., а таксама аўтар падручнікаў і вучэбных дапаможнікаў, сярод якіх: «Гісторыя беларускай літаратуры: дакастрычніцкі перыяд» (2-е выд., 1989), «Старабеларуская літаратура» (2001) і інш. Электронны варыянт артыкула падрыхтаваны да 105-годдзя Беларускага дзяржаўнага ўніверсітэта і 95-годдзя з дня нараджэння А. А. Лойкі.
