Крыніца публікацыі: Працы кафедры сучаснай беларускай мовы / Беларус. дзярж. ун-т / рэдкал.: А. Я. Міхневіч (адк. рэд.) [і інш.]. – Мінск: РІВШ БДУ, 2009. – Вып. 8. – С. 16–17.
Ніна Іванаўна Гілевіч (1931–2003) – беларускі мовазнаўца, педагог, кандыдат філалагічных навук, дацэнт, скончыла Беларускі дзяржаўны ўніверсітэт па спецыяльнасці «Беларуская мова і літаратура. Руская мова і літаратура» (1956), пасля заканчэння ўніверсітэта настаўнічала, потым працавала ў выдавецтве «Вышэйшая школа», скончыла аспірантуру і з 1960 года выкладала на кафедры беларускай мовы філалагічнага факультэта, аўтар шматлікіх навуковых прац, пасмяротна пабачылі свет асобныя выданні Н. І. Гілевіч: «Дыялектны слоўнік» (2005), «Таямніцы роднага слова: з назіранняў над мовай і стылем твораў беларускай мастацкай літаратуры (2006), «Гісторыя народа – у яго мове: сацыяльна-эканамічная лексіка ў беларускай мове XV–XVII стст.: фрагменты даследавання» (2007), «Слова – роднае, жывое, свабоднае: узоры жывой народнай мовы ў вуснах беларускай вёскі 1960-х – 1970-х гадоў» (2007), «Напачатку было слова: фрагменты лекцый па культуры мовы і стылістыцы: з назіранняў над тэкстамі і вуснай гаворкай: развагі філолага» (2008), «З рабочых сшыткаў філолага» (2010).
Электронны варыянт артыкула падрыхтаваны да 85-годдзя філалагічнага факультэта БДУ.
