Крыніца публікацыі: Адамовіч, А. Свет далёкі і блізкі / А. Адамовіч // Адамовіч, А. Здалёк і зблізку: бел. проза на літ. планеце. – Мн.: Маст. літ., 1976. – С. 559–597.
Электронны варыянт артыкула да 100-годдзя з дня нараджэння А. М. Адамовіча і 105-годдзя Беларускага дзяржаўнага ўніверсітэта.
Алесь (Аляксандр Міхайлавіч) Адамовіч (1926–1994) – даследчык літаратуры, крытык, пісьменнік, кінасцэнарыст, педагог, член-карэспандэнт АН БССР, прафесар, доктар філалагічных навук, удзельнік Вялікай Айчыннай вайны, скончыў БДУ (1950) і аспірантуру пры ім (1953), потым выкладаў на філалагічным факультэце БДУ, працаваў у Маскоўскім дзяржаўным універсітэце імя М. В. Ламаносава і ў Інстытуце літаратуры імя Янкі Купалы АН БССР, з 1987 года – дырэктар Навукова-даследчага інстытута кінамастацтва ў Маскве, аўтар літаратуразнаўчых кніг «Шлях да майстэрства» (1958), «Культура творчасці» (1959), «Беларускі раман: станаўленне жанра» (1961), «Маштабнасць прозы» (1972), «Горизонты белорусской прозы» (1974), «Здалёк і зблізку» (1976), «Літаратура, мы і час» (1979), «Война и деревня в современной литературе» (1982) і інш.
